PRESENTACIÓN DE KUSUMA

              O mércores 21 de maio tivemos a sorte de contar na biblioteca coa presencia do escritor de Kusuma, Héctor Cajaraville, co obxectivo de presentarnos o seu libro e poder esclarecer tódalas dúbidas sobre a marabillosa historia destas personaxes. 

   Kusuma "é unha fábula ecoloxista protagonizada por unha faisán asiática obrigada a fuxir da agresividade do mundo industrializado" así é como define este libro o xurado do Premio Merlín de Literatura Infantil que recibiu no ano 2018.

   Dende a biblioteca agradecerlle ao autor a súa presencia no noso colexio.

Moitas grazas pola túa visita!!

Lectura na biblioteca

A lectura é unha das pedras angulares para a adquisición de coñecemento.

Ler, a lectura, é unha das mellores habilidades que podemos adquirir. Ela acompañaranos ao longo das nosas vidas e permitirá que adquiramos coñecemento, e que entendamos o mundo e todo o que nos rodea.

E é que ler ábrenos as portas do coñecemento e dá ás á nosa inspiración e imaxinación. Por iso,dende a biblioteca fomentamos esta habilidade de forma lúdica e motivadora.

Coeducación na biblioteca escolar

"Traballando pola igualdade"

   Dende a biblioteca escolar fomentamos a igualdade de xénero a través de diferentes actividades co obxectivo de axudar a eliminar os estereotipos relacionados co xénero e, por conseguinte, prevenir situacións de discriminación sexista no futuro.

Actividades do DÍA DA PAZ

DÍA DA PAZ

        Durante a última semana de xaneiro, dende a biblioteca fixemos diferentes actividades para celebrar este acontecemento. Os cursos de 4º, 5º e 6º prepararon diferentes exposicións para explicarlle ao máis pequenos/as a historia do Día da Paz e mostrarlles diferentes personalidades que conseguiron o Premio Nobel da Paz.

   Aquí vos deixo algunhas imáxenes do gran traballo que fixeron. 

Moitas grazas a todos/as pola vosa colaboración!!

Fomento da lectura

     

    Os libreros de Galicia están realizando unha campaña de fomento da lectura e dende a biblioteca imos compartir as fotografías que forman parte da Campaña Teaser e que desvelarán o 15 de marzo.

Animádevos!!

A cultura de Paz na nosa biblioteca

        Avanza o mes de xaneiro cara unha data ben significativa no ámbito educativo, o Día Escolar pola Paz (30 de xaneiro) que conmemora a morte de Mahatma Gandhi hai agora 67 anos. No noso centro acostumamos  aproveitar esta data para traballar de forma intensiva os contidos propios da Cultura de Paz:

"Posto que as guerras nacen na mente dos homes, é na mente dos homes onde deben erixirse os baluartes da paz" (Declaración da Constitución da Organización das Nacións Unidas para a Educación, a Ciencia e a Cultura)

Mergullados no mundo da ciencia

Os/as nenos/ as de diferentes cursos traballaron diversos experimentos para coñecer novos conceptos científicos como: a presión atmosférica, a capilaridade da auga, a condutividade da auga salgada, as reaccións químicas...

A través destes pequenos experimentos os/ as nenos/ as involúcranse na aprendizaxe.

“Dime e esquézoo, ensíname e lémbroo, involúcrame e apréndoo"

O mundo da Ciencia

     Durante o mes de novembro celébrase o 
MES DA CIENCIA na Biblioteca  e nestes días levaremos a cabo diferentes experimentos no colexio. 
      Con tal motivo, pódese ver no corredor unha pequena mostra de libros relacionados coa física, a química, a bioloxía...

"La ciencia es la progresiva aproximación del hombre al mundo real".-Max Planck.

Charlas sobre Primeiros auxilios na Biblioteca do Centro!!

    Esta semana estamos recibindo información sobre primeiros auxilios na Biblioteca do Centro. 

Grazas, Uxío, pola túa atención e paciencia!!!